الجمعة، 9 مارس، 2012

التصميم المعماري من البدايه الي الاحتراف


خطوات التصميم المعمارى للمبتدئين

بدايه ارحب بزوار المدونه الكرام واقدم هذا الموضوع الهام الذى يمس معظم طلاب قسم العماره
فقطاع كبير منهم لايدرى ماسر تفوق الطلاب عليهم والسر يكمن فى موضوعنا اليوم

مراحل التصميم المعمارى للمبتدئين:-


1-مرحله البحث (ودى من كتب الداتا زى نويفرت وغيره او المواقع او الكتب فى مكتبه الكليه ) وده كتاب
neufert- time saver ستجد ما يفيدك ان شاء الله



2مرحله البحث عن conceptودى مرحله بعتبرها زى طعم
بتعمل افكار سواء كانت  shapes من الاشكال الهندسيهاو مجسمات وانا فى الغالب بفضل المجسمات لانها بتخليك متخيل اكثر وبتعرف توصل للconcept
بسهوله وبتنشط دماغك جدا معماريا
3 - تبدا فى عمل الzoning dig وفيه بتحدد علاقه الفراغات الموجوده ببرنامج المشروع جيدا جدا
4-من خلال المجسم اذا كان غير معقد فى الفكره تقدر ترسمه بأيدك اسكتش او على الكاد بمقياس رسم مناسب وتبتدى تحل البلان حسب الzoning digوالبرنامج اللى الدكتور قرره فى ماده التصميم


5- مرحله الحلول والبدائل وطبعا بتكون معاك المرجعيه البحث اللى انت عملته واللى بتكون بتشتمل على الاسس والمعايير للمبنى او الفراغ اللى بتصممه
6- بتوصل للبلان النهائى وبعدها بتدرس التهويه للمبنى وبتكون طبعا فارض اتجاه الشمال وتوجيه المبنى
7-تصميم الوجهات وبتكون طبعا وصلت لشكل فى خيالك للواجهه من خلال الكتله اللى اتحلت فى البلان  وتوضح اذا كان هناك حلول بيئيه  للواجهه زى كاسرات الشمس
8-تعمل القطاع sec وبتقطع المبنى فى اكثر جزء فى تفاصيل زى السلم مثلا ولاحقا هنكتب على السلم والحلول المختلفه وطريقه رسمه


9-تصميم الموقع العام  من اتجاه دخول السيارات للموقع العام  و حركه سير المستخدمين للمبنى والمداخل المختلفه وعمل landscape  مناسب للمشروع 
10-عمل اظهار معمارى مناسب للمشروع سواء يدوى او بالكمبيوتر وده كتاب اظهار معمارى خاص بطلبه عماره فى السعوديه


وفي هذا الرابط كتاب لتعلم كيفيه التصميم المعماري و الوصول للمستوي 
الاحترافي

http://www.mediafire.com/?vme88ltxlodd5ol



____________________________________________

El shamy Designs




هناك تعليق واحد: